3 Kg hreinsuð, skeggskorin Íslensk bláskel

1 heill hvítlaukur saxaður smátt

300 gr Íslenskt smjör

2 dl. hvítvín

Opin lifandi skel lokar sér ef bankað er létt á hana. Sömuleiðis opnast lifandi skel við suðu, en opnist hún ekki skal henni hent.
2-300gr af bláskel þýðir að matreiða þarf u.þ.b. kíló.

1 kg. af bláskel frá Íslenskri bláskel ehf eru u.þ.b. 30-40 stk skeljar, skeljastærð 5 - 7 sm, holdfylling er á bilinu 21 - 35% eftir árstíðum.

Geymsluaðferðir
Best er að geyma skel í kæliskáp á disk og leggja rakan klút ofan á þær svo skeljarnar haldi sér lokuðum.

Bláskel í hvítvíni

Íslensk bláskel (Mytilus edulis) finnst í hafinu í kringum Ísland. Í matarsögu Íslands hefur bláskelin eða kræklingurinn ekki verið nýttur mikið til matar en í Evrópu þykir bláskelin herramannsmatur og hefur verið á borðum manna allt frá 17. öld.
Þekkt uppskrift af bláskel á meginlandi Evrópu er skel svissuð í hvítlauk og gufusoðin í hvítvíni. Okkar útgáfa af henni er svona:

Magnið sem notast er við í þessari uppskrift dugar sem forréttur fyrir 4 fullorðna. Gott er að hafa frekar víðan pott við matreiðsluna og þétt lok á hann tiltækt.

Hvítlaukur er saxaður smátt og léttsteiktur Íslensku smjöri í frekar víðum potti þar til hann er gullinn að lit.

Hvítvíni bætt út í.

Skel sem ekki er lokuð, er hent. Hinum skeljunum bætt út í pottinn og hann hristur til. Lokið sett á og ef á þarf að halda til að þétta lokið, þá er farg sett ofan á lokið.

Látið malla í 3-6 mínútur, gott að hrista pott til öðru hvoru. Skeljum sem ekki opnast við suðu er hent. Innihaldi pottsins er hellt í víða skál og borið fram t.d. með snittubrauði.